Rumapaka Kawih Bulan Bandung Panineungan

BULAN  BANDUNG  PANINEUNGAN

Laras           : Madenda                                          Sanggian : H.Koko Koswara 

Surupan       : 4=G                                                 Rumpaka : Wahyu Wibisana

Mun sareupna geus mimiti katembong nyimbutan Bandung

Angin Lembang turun laun – ngabubuhan

Langit mayung – Bulan beukah

Mangkat hiji lagu, kedaling katineung ati – deudeuh…

Mun kareta pangakhirna geus anjog ka kota Bandung

Sinyal beureum malang deui – ngahalangan

Kota hurung – Bentang mijah

Ngaleu hiji lagu, kedaling kasmaran pikir – aduh…

Harewos peuring marengan hiji lamunan

Bulan di langit Bandung – nyaangan

Ngagentenan paneuteupna – pangimplengan

Langit isuk angger biru, nya Eulis…

Hariring peuting pamirig hiji impian

Bulan di langit bandung – nyaksian

Wawakil ti pameunteuna – panineungan

“Kembang mawar angger beureum, nya Eulis…

Mun radio geus karungu nembangkeun lagu pamungkas

Mirig sora anca halon – pileuleuyan

Peuting cicing – Kota jempling

Jerit hiji lagu, kedaling kakeueung hate – deudeuh

Mun balebat gagatrina geus hibar wetaneun Bandung

Anggin nonggoh lalaunan – muru Lembang

Bulan suruo – Langit Biru

Tamat hiji lagu, harepan tembong ngalangkang – aduh

Bandung, 15 September 1960